Një ish-refugjat shqiptar, i cili kishte marrë mbi 51,000 euro pagesa sociale, është burgosur për gjashtë muaj.
Babai i tre fëmijëve, Besnik Vucaj, kishte blerë dy karta identiteti italiane nga një banor në adresën e tij të mëparshme, kështu që ai mund të përfitonte pagesat e ndihmës sociale, teksa punonte në një firmë ndërtimi në Dublin.
Gjykata e Dublinit bëri të ditur se Vucaj kishte përfituar mbi 51,000 euro ndihmë sociale për katër vjet.
Teksa autoritetet zyrtare bën të ditur se atij do i duheshin më shumë se 31 vjet për të paguar paratë, nëse heq 30 euro në javë nga paga e tij.
Vucaj u deklarua fajtor nga gjykata e Dublinit, me akuzat për mashtrim, teksa gjykatësja Pauline Codd ka marrë në konsideratë pranimin e fajësisë, bashkëpunimin me hetuesit si edhe faktin se nuk kishte rekorde kriminale.
Gjykatësja u shpreh se Vucaj po bënte përpjekje për të paguar paratë dhe shlyer shumën që i detyrohet autoriteteve të ndihmës sociale.
